Pangalaman Hirup basa Zaman Kuliah

Assalaamu'alaikum Warohmatulloh
Kumaha daramang baraya sadaya, dina kasempetan ieu pribados bade posting ngangge bahasa daerah kalahiran nyaeta basa sunda, mugia diwidian ku baraya sadaya. kangge nu ti luar daerah mangga di translate bilih teu ngartos mah, eh tapi ketang dan translaterna teu acan ngainput basa sunda mah,,hehe..
janten kanggo urang sunda sareng nu ngartos wen lah ieu tulisan pribados, hehe..
wilujeng...maca...

Tulisan ieu mangrupikeun carita anu kapungkur dialaman ku pribados dina masa-masa kuliah di Universitas Siliwangi Tasikmalaya. Dina hiji poe bulan Juli tahun 2009 upami teu lepat mah, eta poe nu moal bisa di pohokeun ku pribados, margi eta poe nyaeta poe dimana pribados bade daftar atanapi registrasi atanapi babayar di Universitas Siliwangi da lamun teu babayar moal diaku mahasiswa jigana mah. Kaleresan dina daftarna basa seleksi atanapi testing masukna pribados lebet kana jalur PMDK janten henteu di test, hehehe.... pribados kawitna lebet kana jurusan TI (Teknik Informatika) sareng tikapungkur resep ngoprek nu namina komputer sareng alat-alat elektronik janten wen kadieu. Tapi nasib nyarioskeun benten sareng karesep, pun biang henteu satuju upami pribados lebet kana jurusan eta, saurna teh "Eta kumaha upami lebet kadinya a??? ke janten naon upami tos lulus??? tukang servis elektronik kitu??,, entos-entos ngalih jurusan wen kana keguruan". Ari kawitna mah pribados gen hoyong ka UPI jalur PMDK Jurusan Pendidikan Komputer atos daftar, namung teu katampi, janten atos wen ka UNYIL eh UNSIL da kusabab KAHOYONG NYALIRA eh KAPAKSA, lebet jurusan TI wen ngabubungah Hate tadina mah,,hehehe...
Komo deuih nu janten kapaksa pisan mah kawitna di piwarang daftar heula ka UPI PGSD sateuacan ka UNSIL teh di Jalan nu bade kadadaha gening tempatna teh. Janten guru SD engkena teh, da kaleresan pun bapak ngawulang SD. Enya nurut wen da namina gen parentah sepuh, naon atuh nyak saena disebatna upami nurut kasepuh kalayan kapaksa bakat teuing ku sieun di seuseulan, upami suami sieun istri disebatna teh SUSIS, lamun ieu naon nyak???tos di skip wen nyak...intina mah teu LULUS di UPI PGSD teh...hehehe... (Naha bungah da KAPAKSA)
***
Uih deui kana poe ayeuna, pribados bade angkat ka Unsil dina raraga bade mayar supados kaaku janten mahasiswa. Angean tos rapih, lancingan tos rapih, raray tos kasep (saur nyalira duka saur batur mah)hehe..pokona siap berangkat ka Unsil, tapi aya nu janten hahalang pribados, nyaeta sapatu henteu jiga mahasiswa, masih sapatu anu sok diangge ku siswa keneh, nyaeta moal hilap pribados gen saumur-umur kana sapatu eta, sapatu merk MOTIC(sanses promosi) hideung cekeutreuk ngangge sol dipalih sisina jeung ngan hiji-hijina deuih. Duh eta gaya anak SMA zaman harita. Dina hate teh duh kumah ari setelan mahasiswa ari kahandap siswa keneh kan saur iklan ogen sukses itu berawal dari bawah nyaeta sapatu, piraku ari sapatuna kieu, ckckckck. Kaayaan eta diemut deui henteu janten hahalang anu matak ngabedokeun dina babayar, jadi angkat we bari PEDE. Pribados angkat disarengan ku punbapak nyaeta E.Kusnadi. Bilih ke mendakan nami eta tong disasaha deui eta bapak pribados, mangga ditaros, hehehe...
***
  SAPATU PRIBADOS
Tos wen caritana mah nepi we ka Unsil. di lokasi pribados teu weleh-weleh luak-lieuk sugan wen aya babaturan nu kenal, nu kaleresan sami bade registrasi heug teh teu aya hiji-hiji acan. Ngsms wen kasalah sahiji rerencangan "dmn ayeuna? rek daftar iraha? sya di Unsil yeuh ayna" teeeeet balesanana "Moal waka uy, can aya duitna ke jigana, tapi duka iraha di akhir jigana mah", jadi inget eta poe kahiji dibukana registrasi, jadi asa pangtanghina wen. " Kumaha a? dimana tempat registrasina?" pun bapak tumaros, "Oh duka puguhan ieu teh pak, ke urang taroskeun", pribados naros ka Aa aa anu nuju ngalangkung setelanna mah mahasiswa Unsil "A punten bade tumaros tempat registrasi mahasiswa baru palih mana nyak?", "Oh dipalih ditu (bari nunjukeun kana gedung nu hateupna jiga rumah khas minang)", "Haturnuhun a" oh di ditu paingan seueur jalmi nu ngagimbung, enya bade daftar jigana. Pribados sareng punbapak tuluy ka tempat registrasi. Nyandak no antrian ngantosan di panggil, di tempat eta teu disangka-sangka pribados mendak rerencangan anu tos 6 tahunna teu pendak namina Rois. Sosonoan wen tidinya teh, bari tunya tanya kaditu kadieu.

****
Di tempat pendaftaran eta oge aya kajadian anu moal hilap jigana. Pribados mendak aya anu bade daftar mung teu gaduh panangan anu katuhu deuih, kaleresan calikna gigireun pribados, "Timana a? pribados naros, "eh abi ti Ciamis a" (bari nyodorkeun pangan kencana ngajak sasalaman), terus kenalan wen, sebat wen namina mh Indra (sns nami asli). "Nyndak jurusan naon?", " Bahasa Inggris, ari alma?", "Abi TI". Nomor  342(sns no aslina) Nya bagean anjeuna dipanggil, "Alma tipayun nyak", "Oh muhun mangga" waler pribados. Teu lami ditingali Indra acan lebet waen, ari pek teh dicegat heula ku satpam di pintu masuk, duka naon bet matak dicegat, enya merhatikeun wen pribados teh bari tanda tanya aya naon da rada teu kadangu naon nu di carioskeun ku satpam ka si Indra. Ari pek teh Indra uih deui k tempat pribados, "Aya naon ndra?ning teu lebet?" taros pribados. "Duh punten ny alma tiasa nambut sapatuna teu sakedap?abi teu tiasa lebet eung margi teu ngangge sapatu", dina manah teh duh untung wen di sapatu henteu di sendal masing sapatu butut gen, nu penting mah sapatu,,hehehe...ngarasa bingah pribados. Mung ngaraos iba ogen k Indra, enya di pasihan nambut wen sapatu pribados teh, "Oh mangga ndra angge wen" waler pribados, "Duh nuhun pisan nya al". Diangge wen sapatu pribados teh ku anjeuna, nu matak miris sareng nyeredet kana manah ningali anjeuna di sapatu sareng nalian talina ku hiji panangan, kabayang hesena "Beu ku abi bantosan ndra", "Oh muhun atuh, nuhun nyak, punten yeuh jadi ngarepotkeun", "Ah henteu santei wen" waler pribados. Lajeng lebet wen Indra karuangan kangge registrasi.
***

Hoyong terang kalanjutanana. . . nyambung. . . :)